Reklama

Biég pò Kaszëbsczim Krôjmalënkòwim Parkù

Klëka

30/09/2025 10:09

Òdj. facebookòwô starna: Gminny Dom Kultury w Lini

Wikszosc ùczãstników miónków to dzecë. Wszëtczich kategóriów bëło jednôsce, a nôlepszi czas w biegù na dzesãc kilométrów miôł Riszôrd Sokòłowsczi.

W niedzelã dwadzestégò ósmégò séwnika w Lënie zrëchtowónô bëła dzewiãtnôstô edicjô Wòjewódzczégò Biegù na Przeszlach Terenama Kaszëbsczégò Krôjmalënkòwégò Parkù. Gòspòdarzã miónków béł Spòrtowi Sztadión w Lënie. W jednôsce kategóriach ùdzél wzãło kòl piãcset ùczãstników, z czegò kòl sztërësta to bëłë dzecë. Jak pòdsztrichiwôł wójt gminë Lëniô Tadeùsz Klein, to, że tëli dzecy bëło zaangażowónëch do biegów, mô za cél promòcjã strzód nich zdrowégò stilu żëcégò. W kategórie dozdrzeniałëch w nôwôżniészim biegù, to je na dzesãc kilométrów, òd chłopów pòdium dobëlë Riszôrd Sokòłowsczi z Zagórzëcë, Norbert Jefimczik z Lãbòrga i Robert Wòzniôk z Zakrzewa, a òd białków Katarzëna Głogòwskô z Lãbòrga, Antóna Wirkùs ze Szczecynka i Ilona Mickewicz-Szimańskô z Domatówka.

H.S.Sz.

Załączniki