Reklama
Bibloteka wëcygô z kòscersczégò banowiszcza
19/08/2026 10:10
Ùszkòdë na banowiszczowim bùdinkù pòkôzałë sã òb czas robòtów przë peronach i pòdzemnym przeńscym.
Òb czas dérëjącëch robòtów kòl banowiszcza w Kòscérznie pòjawiłë sã ùszkòdë na jednym z bùdinków słëchającëch do banowiszcza. Parterowi magazyn z tësąc òsmëset dzewiãcdzesątégò rokù mô pãkniãca nad òknama i krótkò stropù. Robòtë òstałë strzimóné a przedstôwcë wëszëznów gardu, Pòlsczich Banowëch Liniów i firmë Bùdimex jakno wëkònôwcë inwesticje ùgôdelë projekt ùprawieniô ùszkòdów. Zajmie sã tim téż Bùdimex. Ùdbóné są dwa etapë: w pierszim chcą ùmòcnic fùndamentë, a w drëdżim zajic sã samima rëskinama na scanach. Òb ten czas bùdink mùszi bëc pùsti. Zajimającô gò filiô Pedagògiczny Bibloteczi mùszi sã przeniesc na Gduńską szasëjã co nômni do drëdżi pòłowë przińdłégò rokù, czedë ùprôwianié bùdinkù mô bëc skùńczoné. Bùrméster Kòscérznë Dawid Jereczk przëznôwô, że na taką inwesticjã miasto nie bëło przërëchtowóné, ale szczescym nie pòniese niżódnëch kòsztów. Mô nôdzejã, że takô robòta pòzwòli ùdale zabezpieczëc bùdink bibloteczi na przińdłé lata i nie bãdze za czim wracac do remòntu, czej do Kòscérznë pò remònce sztreków ju bãdą jezdzëłë banë.
H.S.Sz.
Załączniki
Źródło i opracowanie własne
Aktualizacja: 19/08/2026 11:26
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Najnowsze wiadomości
- 19/08 Lãbòrżón zatrzimôł falszëwégò szandarã
- 19/08 Trzech Serbów i Pòlôszka pòdpôlelë lasë
- 19/08 Bibloteka wëcygô z kòscersczégò banowiszcza
- 19/08 Nôstarszô òrka Gibraltarsczi Zwãżënë pòstrzelonô
- 19/08 Eùropòsélc wlëmił nôscelôtkóm
- 17/08 Wëskòkła z aùtoła, szandarce rzekła ò grozbach
- 17/08 Amerikańsczi żôłnérze przez dwasta dni na mòrzu
- 17/08 Lubòmirscë chcą òbrazów, mô je słëpsczé mùzeùm
- 17/08 Nigel Farage procëm grôfòwi z kòsmòsu
- 16/08 Słowò na niedzelã (16.08.26)
- 13/08 Kòlumbijskô przigòda w Ùstce
- 13/08 Swiãto pùpków w gminie Kònarzënë
- 13/08 Pierszi arabsczi krôj bez sztrôfë smiercë
- 11/08 Wiôldżé òdemkniãcé Targòwi Halë
- 11/08 Szesc gminów wëpòwié sã w sprawie parkù
- 11/08 Òsmë całów zachòwónëch w kòpalnie
- 11/08 Czileset lecbów na falszëwëch dokùmentach
- 10/08 Kaplëca na Kalwarie grozy zawalenim
- 10/08 Sprôwdzą cësk zacmieniów Słuńca na zwierzãta
- 09/08 Słowò na niedzelã (9.08.26)
Komentarze