Reklama

Sprôwdzą cësk zacmieniów Słuńca na zwierzãta

Klëka

10/08/2026 10:08

Szpańsczi ùczałi wëzwëskają rzôdczé zjawiszcze do przëzdrzeniô sã reakcjóm zwierzãt na nagłi cemk.

We strzodã dwanôstégò zélnika w Eùropie bãdze zacmienié Słuńca. W wikszoscë krajów, w tim w Pòlsce, bãdze blós dzélowé, ale przez terenë Islandie, Szpańsczi ë Pòrtugalsczi przechôdô sztrép cawnégò zacmieniégò. Miesądz zatacy całé Słuńce midzë jinszima dlô mieszkańców gardu Walencjô w Szpańsce. Tameczny zwierzińc Biopark chce wëzwëskac tã leżnosc do bôczlëwégò przëzdrzeniô sã reakcjóm zwierzãt na narôzny cemk. Badérów interesëją midzë jinszima afrikańsczé elefańtë, szimpansë i stolëmné zółwie. W gardze Fùengirola zacmienié bãdze blós dzélowé, ale i w tuwòtnym òstrzódkù bãdą zdrzec na zachòwania zwierzãt czułëch na wid taczich jak binturong, sytatunga czë afrikańskô antilopa. Zacmienia jakno rzôdczé zjawiszcza pòzwôlają zebrac zwëczajno nieprzëstãpną wiédzã ò związkù midzë cyklama widu a biologią. W dwa tësące sétmënôstim i dwa tësące dwadzestim czwiôrtim rokù szlachòwné badérowania robilë w Zjednónëch Stanach, gdze niechtërne òsobniczi zachòwiwałë sã tak, jakbë to szedł grzëmòt, bò tedë téż mòże narôz zrobic sã cemno. Jinszé zaczinałë wëdawac zwãczi, chtërne dóny gatënk wëdôwô mést pòd wieczór abò w nocë.

H.S.Sz.

Źródło i opracowanie własne