Dobiwcë miónków we Gduńskù bãdą reprezentérowelë pòmòrsczé wòjewództwò w òglowòpòlsczim etapie miónków we Słëpskù.
W slédnëch tidzeniach w sedzbie Òddzélu Prewencje Pòlicje we Gduńskù zrëchtowóné bëłë wòjewódzczé eliminacje do dwadzesti dzewiąti edicje Òglowòpòlsczich Miónków Pòlicjantów Prewencje „Patról Rokù”. Zjachelë sã szandarzë ze wszëtczich miesczich i krézowëch kòmendów w pòmòrsczim wòjewództwie. Ùczãstnicë wzãlë ùdzél w sztërzech kònkùrencjach: tesce warkòwi wiédzë, ùdzeliwanim pierszi pòmòcë, dzaminie fizyczny spòsobnoscë i strzélecczim wëszkòlenim. Nôlepszima szandarama na Pòmòrzim òkôzelë sã aspirant Łukasz Dobk i serżant Miłosz Kùczkòwsczi z Kòscérznë a téż młodszi aspirant Radosłôw Kòtwicczi i serżant Mateùsz Grzãbsczi z Sopòtu. Wëbiôtkelë nié blós diplómë i medalë dlô se, ale téż leżnosc reprezentérowaniô wòjewództwa na finałowim turniéru latos òd dzesątégò do dwanôstégò séwnika. Òglowòkrajewé zmôgania bãdze gòscëła Szkòła Pòlicje we Słëpskù.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie