Amerikańsczi znajarze zrobilë òdwiertë, a labòratoria pò przëzdrzenim sã próbkóm wëdałë òpiniã ò mòżebnoscë ùsadzeniô pierszi pòlsczi atomòwi elektrownie w òbéndze Kòpalëna-Lubiatowa.
Geòlogiczné badérowania wnet dzesãc tësący próbków pòbrónëch z Kòpalëna-Lubiatowa wczas òdwiertów ò parłãczny dłużawie dwadzesce dwùch kilométrów, dokònónëch przez amerikańską firmã Bechtel, bëłë przeprowadzoné w labòratoriach na Pòmòrzu, w Warszawie, na Szląsku, w Zjednónëch Stanach, Belgie i Niemiecce. Wskôzałë òne, że na gruńtach pòd atomòwą elektrowniã w gminie Chòczewò górã mô glëna i piôsk, nie bëło òksëpów a blós czile wiôldżich kamieni, do te nalazłé sã złoża sarkòwòdzëka ze snôdkò rozkłôdającégò sã torfù i wiôrzta artezyjsczich wód. W praktice znaczi to tëli, że elektrowniô na tëch gruńtach mòże bëc bùdowónô przë wëbierze pasownëch technologiów. Za rok pò ùdostanim administracjowëch zgòdów mają rëgnąc dalszé badérowania na wikszi òbéńdze. Pò nich zaczic sã ju mô przërëchtowanié pòd bùdacjã elektrownie.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie