Reklama

Wisłëùscé bãdze cekawszé dlô zwiédzającëch

Klëka

28/04/2026 21:01

Òdj. Jakub Strzelczyk; zdrzódło: https://pl.wikipedia.org/wiki/Twierdza_Wis%C5%82ouj%C5%9Bcie#/media/Plik:Twierdza_Wis%C5%82ouj%C5%9Bcie,_Gda%C5%84sk.jpg

Jedna z nôwôżniészich zaòstałosców Gduńska dostała ùdëtkòwienié dlô projektu, jaczi wrócy ji widzałé historiczné wôrtnotë.

Ministerstwò Kùlturë i Nôrodny Spôdkòwiznë przëznało dëtczi na projekt „Òchrona i pòdwigniãcé atrakcjowòscë Festungù Wisłëùscé we Gduńskù”. Na inwesticjã wôrt przez dwadzesce i pół milióna złotëch je dóné przeszło dwanôsce miliónów dwasta złotëch dofinancowaniô. Robòta bãdze prowadzonô na kòl sto òsmëdzesąt tësącë kwadratmétrów. Skùńczonô mô bëc do pòłowë dwa tësące dwadzestégò dzewiątégò rokù. Célã je przëwrócenié historicznégò charakteru Festungù Wisłëùscé i dopasowanié gò do brëkòwnotów turistów. Mô bëc òdbùdowóny szôłm wieżë z òsmënôstégò stalatégò. Mô bëc pò inwesticje téż wicy rëmù na wëstówczi, warkòwnie czë Centrum Òbsłëdżi Zwiédzającëch. Mô bëc zrobiony cawny òrnąg z infrasztrukturą i ju zagòspòdarzonym rëmã. Przewidzóné je téż przërëchtowanié nowëch, widzałëch atrakcjów. Przede wszëtczim mô to bëc trzëmétrowi mòdel òkrãtu sétmënôscestalatny królewsczi wòjnowi flotë. Waldemôr Òssowsczi, direktór Mùzeùm Gduńska, gôdô, że pò zwënégòwanim projektu Festung prakticzno dëch zjinaczi sã ôrt fùnksnérowaniô òbiektu. Mô to bëc téż wôżny mòment w historie òdbùdowë dôwnégò Gduńska, dërch warający òd kùńca drëdżi swiatowi wòjnë.

H.S.Sz.

Źródło i opracowanie własne