Reklama
Honorowé zabicé w Niderlandach
06/01/2026 16:14
Òjc i bracô zabilë òsmënôscelôtkã za ji za baro zôpadné zachòwanié. Pòtemù próbòwelë ùkrëc, że òna w òglim jistniała.
Sąd w òlãdersczim Lelystad wëdôł wëroczi w sprawie zabicô òsmënôscelôtczi. Syrijka Ryan al Nadżar z gardu Joure bëła winowónô przez piãcdzesąt trzë lata stôrégò òjca Chaleda ò za baro zôpadné zachòwanié. Òstała òbwitô klejącą tasmą i wrzuconô do wòdë, gdze sã ùtopiła. Ji cało nalezlë w maju dwa tësące dwadzestégò czwiôrtégò rokù w wòdach rezerwatu Oostvardersplassen niedalek Lelystad. Wedle pòdszukòwnych przédnym winnym mòrdarstwa je òjc, a miałobë to bëc „honorowé zabicé” w òdpòwiescë na pògòrchã, jaką córka sprawiła rodzëznie. Pòmòglë dwaji bracô zabiti, dwadzescetrzelatny Mòhamed i dwadzescepiãclatny Mùhanad, jaczi pòmòglë w dowiezenim dzéùsa nad wòdã, a pòtemù w zacéranim wszelejaczich szlachów pò jistnienim i zabicym sostrë. Òjc zwiornął z Eùropë i wëjachôł do Syrie, a je za nim wëstawiony scëgòwny lëst. W jegò niebëtnoscë sąd skôzôł gò na trzëdzescë lat sôdzë. Jegò sënowie dostelë pò dwadzesce lat za wespółùdzél.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze