Mùzelmanie ùswiądnilë katolików co do planów państwòwi wëcmaniznë. Pòswiãconé rzeczë ùdało sã ùretac.
Biôłoruskô państwòwô wëcmanizna Mińskô Spôdkòwizna, jakô trzimô zarząd nad rzimskòkalotëcczim kòscołã Swiãtëch Szëmòna i Helénë w Mińskù, zwónym téż Czerwionym Kòscołã, rëgnãła latos z jegò remòntã. Kòscół je zamkłi òd czasu, jak nieznóny sprôwcë zamiecëlë w nim òdżin w dwa tësące dwadzestim drëdżim rokù. Do przeprowadzeniô remòntu Mińskô Spòdkòwizna najãła robôtników z Turkmenistanu. Ti dostelë pòlét, że wszëtczé ikònë, egzemplarze Biblie i ksążeczczi do mòdleniô mają szmërgnąc do smieców. Robòtnicë, jakno mùzelmanie, bëlë zadzëwòwóny, co chrzescëjanie tak sã rozprôwiają ze swòją swiãtnicą, tej delë znac parafianóm. Pò interwencje probòszcza Francëszka Rudza ùdało sã jima wlezc bënë kòscoła i wëdostac to, co szło zabrac. Niechtërne rzeczë bëłë przekôzóné wiérnym, żebë pòzabiérelë je dodóm do czasu, jaż kòscół bãdze nazôd òdemkłi, a négã wzãlë ksãża. Part dewòcjonaliów bëło równak nót pòwëcëgac ze smieców. Bënë òstałë jesz wikszé òbrazë, ale wedle ksãdza Rudza òne téż bãdą wëwiozłé i zabezpieczoné, czej robòtnicë zaczną stawiac sztelôże. Remònt kòscoła mô sã skùńczëc na zôczątkù dwa tësące dwadzestégò sódmégò rokù.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie