W kòscersczim krézu jaż do Gòdów pòlicjô i lasowô starżô bãdą òdwiédzelë lasë i môle przedowaniô danków, cobë nalezc przëtrôfczi nielegalnégò scynaniégò drzewiãt.
Gòdë ju krótkò i brëkòwnota na danczi je corôz wikszô. W kòscérsczim krézu rëgnãła sparłãczonô akcjô pòlicje i nadlesyństwów ò pòzwie „Danka”. Przedôwôcze danków mògą sã spòdzewac wizytë szandarów, jaczi bãdą sprôwdzelë, czë wszëtczé drzewiãta przez nich przedôwóné, òstałë scãté zgódno z prawã i czë mògą jic do hańdlu. Akcjô bãdze òbjimałã téż lasë, gdze szandarzë bãdą pilowelë, czë nicht nie scynô drzewków. Kòntrolë bãdą warałë do swiãtów.
Za scãcé drzewka z lasa mòże dostac dëtkòwą sztrôfã do 500 zł. Żelë sprawa òstónie sczerowónô do sądu, pò ùdokaznienim winë sprôwca mòże zapłacëc wiele wicy – nawetka 5 tës. złotëch – abò jic do sôdzë na 5 lat w przëtrôfkù pòwôżniészi przesprawë.
Twoje zdanie jest ważne jednak nie może ranić innych osób lub grup.
Komentarze opinie