Reklama

Harcerze z całégò swiata zjadą na Kaszëbë

Klëka

29/07/2026 10:11

Hm. Martina Kòwackô, przédniczka ZHP. Òdj. Marcin Gadomski / www.gdansk.pl

Sobieszewsczi Òstrów za rok bãdze gòscył młodzëznã zaangażowóną w skaùtową rësznotã. Gduńsk òdmikô przërëchtowanié do wëdarzeniô.

Gduńsk rëchtëje sã na przëjãcé nawet piãcdzesąt tësący ùczãstników skaùtowi rësznotë. Trzëdzestégò lëpińca dwa tësące dwadzestégò sódmégò rokù na Sobieszewsczim Òstrowie zacznie sã dwadzesté szósté Swiatowé Skaùtowé Jamboree – zjôzd harcerzów z całégò swiata òrganizowóné co sztërë lata przez Swiatową Òrganizacjã Skaùtowi Rësznotë wëcmanim z krajewima òrganizacjama. Jamboree na Sobieszewsczim Òstrowie òrganizëje tej Związk Pòlsczégò Harcerstwa, a bãdze to pierszi swiatowi zjôzd skaùtów òrganizowóny w Pòlsce. Radzëzna ministrów przëjãła projekt ùstawù, jaczi mô zagwësnic sprawné zòrganizowanié wëdarzenia, z zagwësnienim reglów bezpiekù, mediczny òchronë i wespółrobòtë służbów. W pòniedzôłk dwadzestégò sódmégò lëpińca we Gduńskù bëła kònferencjô òdmikającô roczné przërëchtowania z przedstôwcama Związkù Pòlsczégò Harcerstwa, miasta Gduńska, wòjewódzczich i państwòwëch wëszëznów. Zéwiszcze zjazdu to „Colebądz robisz, robi to zuchterno”. Chòc przédné miastkò skaùtów bãdze na Sobieszewsczim Òstrowie, do ósmégò zélnika pòzjachóny z całégò swiata òdwiedzą téż jinszé place w Trzëgardze i na Pòmòrzim.

H.S.Sz.

Źródło i opracowanie własne