Reklama

Pòsterunk bez szandarów w etiopsczi stolëcë

Klëka

06/03/2026 20:55

Òdjimk z Adis Abebë. Aùtór A.Savin; zdrzódło: https://pl.wikipedia.org/wiki/Addis_Abeba#/media/Plik:ET_Addis_asv2018-01_img07_Light_Rail.jpg

Kòntakt z szandarą na pòsterunkù docélowò bãdze leno przez ekran i mikrofòn. Terô jesz są tam wësłóny pòlicjancë do pòmòcë w òbsłëdze.

W Addis-Abebie w dzélnicë Bole zaczął dzejac pierszi w Etiopie cyfrowi pòsterunk pòlicje. Na terô jesz robią tam szandarzë, jaczi ùczą lëdzy, jak ùżëwac stojącégò tam ùrządzeniô. Na przińdnotã je równak pòmëslóné, żebë taczich pòsterunków bëło wicy i żebë tak dac lëdzóm przistãp do pòlicje bez mùszu wëséłaniô szandarów do sedzeniô w jednym placu. W ùprzistãpniony jizbie stoji blós ùrządzenié szlachòwné za bankòmatã, z tabletã, przez jaczi mòże zgłosëc przesprawã. Pò wëbranim tipù zgłoszeniô i pòcwierdzeniô na ekranie pòjôwiò sã gãba òficérë, jaczi w tim czasu sedzy w centrum zgłoszeniów, a ten ju dali òbsłużi òbëwatela. To rozrzeszenié mòże sã przëdac chòcbë w przëtrôfkù, jeżlë kòmùs ùkradzą mòbilkã i nie bãdze miôł jak tegò zgłosëc na alarmòwi numer telefònu. Pòlicjô w Addis-Abebie bãdze sã przëzerac, na kùli ùdba lëdzóm bãdze sã przëdawac, a téż czë interfejs ùrządzeniô nie bãdze za drãdżi do ùżiwaniô. Przez pierszi tidzéń doszłë do centrum leno trzë zgłoszenia ò zgùbionym paszpòrce, financowim szachlarstwie i z rutinową skargą. Ùdbòdôwôcze gôdają, że jeżlë wiada ò cyfrowim pòsterunkù bãdze lepi rozkòscérzónô, lëdze chãtni dadzą sã na tã òpcjã, czej mdą brëkòwelë pòmòcë.

H.S>Sz.

Źródło i opracowanie własne