Reklama

Chùtczé zdënczi ë chùtczé dëtczi

Klëka

07/08/2026 15:28

Òdj. US Air Force - http://hn.afnews.af.mil/Photopages/KazakstanSoldiers-B-O.html; zdrzódło: https://pl.wikipedia.org/wiki/Si%C5%82y_Zbrojne_Federacji_Rosyjskiej#/media/Plik:Russian_paratroopers_in_Kazakhstan.jpg

Rusczé brutczi chãtno òbzérają sã za nowò pòwòłónyma rekrutama. Cygną jich téż cãżkò reniony żôłnérze w lazarétach.

Dzysdnia w Rusce òbrzesziwają zletczenia w òrganizacje chùtczich zdënków dlô chłopów, jaczi dostelë òrdel do wòjska z wezwanim na front. Telewizjô transmitowała nawet masowé ceremónie, gdze pò cziledzesąt rekrutów stôwało przed ùrzãdnikama ze swòjima brutkama. Rusónczi nalazłë w tim métel na chùtczé zbògacenié sã. Szukają za swiéżima rekrutama i żenią sã z nima rechùjącë, że ti zdżiną na fronce, a òne dostóną òdszkòdowanié. Państwò wëpłôcô nawet òsmë miliónów rublów, co je równoznaczëną trzësta szescdzesąt trzech tësący złotëch. Colemało przed dostanim òrdelu rekrucë ledwò znelë białczi, z jaczima sã żenilë, a pò jich smiercë òne wrôcałë z dëtkama do chłopów, z jaczima sã òficjalno bëłë rozdałë. Na spòlëznowëch mediach pòwstôwają grëpë z doradama, jak skùtkòwno wëcygnąc òd państwa taczé dëtczi. Łoni znóny béł téż przëtrôfk dozérnicë w wòjskòwim lazaréce, jakô òb czas służbë w nim òżeniła sã z piãc cãżkò renionyma żôłnérzama i pò smiercë kòżdégò dostała wëpłatã òdszkòdowaniô. Białczi jimającé sã taczich métlów zwią „Czôrnyma Gdowama”. Do zajãcô sã tim jiwrã wzéwôł pòsélc do Dumë Léónid Słucczi. Wezwôł do ùstawòwi òbarnë rodzëznów ùczãstników Specjalny Wòjskòwi Òperacje na Ùkrajinie przed ùtratą òdszkòdowaniô, chtërno terô trôfiô do białków, ò jaczich jistnienim przed pòwòłanim chłopa rodzëznë nie wiedzałë.

H.S.Sz.

Źródło i opracowanie własne