W nocë z sobòtã na niedzelã w dwùch rusczich òbwòdach przë grańcë z Ùkrajiną zapadłë sã mòstë, w czim ùcerpiałë banë pasażérskô i towarowô.
W sobòtã trzëdzestégò pierszégò maja w nocë w Briańskù w Rusje zawalił sã drogòwi mòst, pòd jaczim jachała pasażérskô bana. Gùbernatór briańsczégò òbwòdu Aleksander Bògòmaz dôł do wiadë, że zdżinãło sétmë òsób, a trzëdzescë òstało renionëch. Lokòmòtiwa i wagònë wëpadłë ze sztrëczi, czej mòst sã na nie zawalił. W Internece są nagrania z placu, na jaczim je widzec pasażérów żdającëch na służbë i pòmôgającëch jeden drëdżémù. Zarządzëna Mòskewsczi Banowiznë scwierdzëła, że mòst sã zawalił na skùtk nielegalnëch dzejaniów kòl transpòrtu – nie wskôzała jesz, czë chòdzy ò mòżebné dzejanié ùkrajińsczich służbów. Briańsk leżi kòl sto kilométrów òd grańcë z Ùkrajiną, a jegò produkcjowé zakładë biwałë ju célã ùkrajińsczich dronów.
Czile gòdzyn pózdni, ju w niedzelã, doszło do zawaleniô jinszégò mòstu w kùrsczim òbwòdze, jaczi téż sąsadëje z Ùkrajiną. Tą razą to towarowô bana jachała pò mòsce i spadła na drogã. Wëbùchł w ni òdżin, a maszinista béł reniony w nodżi, ale nicht nie zdżinął.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie