Skùńczëło sã latosé Kaszëbsczé Diktando, jaczé òstało zòrganizowóné w Chònicach. Westrzód warkòwò zajimającëch sã kaszëbizną dobëła Agata Grenwald, jakô robi w Mùzeùm Kaszëbskò-Pòmòrsczi Pismieniznë i Mùzyczi we Wejrowie. Pòsobné place ùdostałë Barbara Warmòwskô i Bòżena Lejk, a wëprzédnienia dostelë: Szëmón Heland i Joana Marcyńskô.
W kategórie ùstnëch pierszi môl dobéł naji redaktór Hùbert Szirk, z czegò jesmë baro bùszny i winszëjemë najémù robòcémù wespółrobòtnikòwi! Pòsobné place zajimnãlë Paùel Stoltman i Adóm Szmaglik. Wëprzédniony òstelë: Adóm Lubòcczi i Mónika Kapiszka.
Spòmidzë ùczniów wëżispòdlecznëch szkòłów nôlepszô bëła Aniela Makùrôt z ÒL w Kòscérznie, przed Kòrnelią Garstką z ÒL we Wejrowie i Antoniną Rolbiecką z ÒL w Kòscérznie. Wëprzédnienia: Michalina Stenka z I ÒL w Kartuzach i Michôł Mòga z II ÒL w Chònicach.
Westrzód ùczniów spòdlecznëch szkòłów jaż dwa pierszé place dobëłë dzéwczãta ze szkòłë w Lësëch Jamach: w kl. I-III je to Nikòla Walkùsz (drëgô bëła Malwina Kropidłowskô ze szkòłë w Łubianie, trzecy Hùbert Chądzyńsczi ze szkòłë w Szlachecczim Brzéznie, a wëprzédnienia ùdostałë: Léna Jereczek ze szkòłë w Łubianie i Ameliô Kwidzyńskô z Lësëch Jamów).
W kategórii kl. IV-VI nôlepszô bëła Juliô Dułak (Lësé Jamë), drëdżi Antón Wenta (Serakòjsczé Łësniewò), trzecô Nataliô Swiątk-Brzezyńskô (Szlachecczé Brzézno). Wëprzédnienia: Karina Kwidzyńskô (Sp. Sz. we Wiôldżim Pòdlesu), Mikòłôj Drewczińsczi (Karno Sztôłceniô w Skòrzewie) i Zofiô Sela (Sp. Sz. w Gòwidlënie).
Spòmidzë ùczniów sódmi i ósmi klasë dobëła Zofiô Drewczińskô (Karno Sztôłceniô w Skòrzewie), za nią bëła Łucjô Sedleckô (Sp. Sz. w Kôłczëgłowach) i Roksana Głodowskô (Sp. Sz. nr 4 w Kòscérznie). Wëprzédnienia dostałë: Ameliô Jankòwskô (Sp. Sz. we Wiôldżim Pòdlesu) i Kinga Pòbłockô (Sp. Sz. w Lësëch Jamach).
Wszëtczim dobiwcóm i ùczãstnikóm winszëjemë, a dlô òrganizatorów wiôldżé Bóg zapłac za Waszã drãgą robòtã.
Twoje zdanie jest ważne jednak nie może ranić innych osób lub grup.
Komentarze opinie