Reklama
Na pòmòrsczich drogach rok minął bezpieczno
04/01/2026 21:14
Nôwikszi procentowi spôdk lëczbë wëpôdków i renionëch w nim òsób w skalë kraju w przëmierzenim z niłońsczim rokã słëchô najémù wòjewództwù.
Wëdzél Drogòwi Rësznotë Wòjewódzczi Kòmisje Pòlicje we Gduńskù pòdôł statisticzi tikającé sã bezpiekù na pòmòrsczich drogach w łońsczim rokù. Bëłë tësąc piãcset dwadzesce dwa wëpôdczi z tësąc òsmëset piãc renionyma i dzewiãcdzesąt òsmë zabitima. Chòc lëczbë są wiôldżé, kòżdô z nich je mniészô jak w dwa tësące dwadzestim czwiôrtim rokù – ò sto szescdzesąt òsmë wëpôdków, dwasta sztërdzescë òsmë renionëch i sétmënôsce smiertnëch òfiarów mni, co procentowò dôwô spôdk pòsobicą ò dzesãc, dwanôsce i piãtnôsce procent. W skalë kraju w pòmòrsczim wòjewództwie spôdczi lëczbë wëpôdków i renionëch bëłë propòrcjonalno nôwikszé w Pòlsce. Lëczba tëch, co na drogach w wòjewództwie zdżinãlë, pierszi rôz òd wiele lat je mniészô jak sto òsób, czej statisticzi z dwadzesce lat nazôd pòdôwałë dwasta szescdzesąt szesc zabitëch.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze