Reklama
Amerikańsczi żôłnérze przez dwasta dni na mòrzu
17/08/2026 13:11
Piãc tësący żôłnérza òstôwô ùsadzonëch na òkrãce na Persczi Hôwindze. Swòjim blësczim donôszają ò skrôwno lëchëch warënkach.
Latawiszczowi òkrãt wòjnowi òkrãtowiznë Zjednónëch Stanów USS Abraham Lincoln ju wicy jak dwasta dni nie dobił do pòrtu. Służi na nim piãc tësący persónów. Łoni dwadzestégò pierszégò smùtana rëgnął z San Diegò w Kalifòrnie na misjã na Pôłniowòchińsczim Mòrzu. Stamtąd sczerowelë gò na Blësczi Pòrénk, terô je na Persczi Hôwindze. Żôłnérze mają kòntakt z rodzëznama i òpòwiôdają jim ò warënkach na jednostce. Felëje jestkù i mëdła, ni ma cepłi wòdë, ta zëmnô biwô skażonô, szituze òprzestôwają dzejac, żôłnérze mùszą robic nawet pò szestnôsce gòdzyn bez paùzë, dochôdô do próbów sãzabicô. Senatór stanu Connecticut Richard Blumenthal z Partie Demòkratów napisôł lëst do szefa departametnu wòjnë Pete'a Hegsetha, w jaczim prosył ò zdanié przez wòjnową òkrãtowiznã relacje z warënków na òkrãce. Senatór z Arizonë Ruben Gallegò wzéwô do zòrganizowaniô òficjalnëch kòntrolnëch òdwiôdënów na jednostce z ùdzélã przedstôwców tak repùblikanów jak i demòkratów. Wòjnowô òkrãtowizna nie wëdała niżódnëch òswiôdczeniów dlô mediów w ti sprawie.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Najnowsze wiadomości
- 17/08 Wëskòkła z aùtoła, szandarce rzekła ò grozbach
- 17/08 Amerikańsczi żôłnérze przez dwasta dni na mòrzu
- 17/08 Lubòmirscë chcą òbrazów, mô je słëpsczé mùzeùm
- 17/08 Nigel Farage procëm grôfòwi z kòsmòsu
- 16/08 Słowò na niedzelã (16.08.26)
- 13/08 Kòlumbijskô przigòda w Ùstce
- 13/08 Swiãto pùpków w gminie Kònarzënë
- 13/08 Pierszi arabsczi krôj bez sztrôfë smiercë
- 11/08 Wiôldżé òdemkniãcé Targòwi Halë
- 11/08 Szesc gminów wëpòwié sã w sprawie parkù
- 11/08 Òsmë całów zachòwónëch w kòpalnie
- 11/08 Czileset lecbów na falszëwëch dokùmentach
- 10/08 Kaplëca na Kalwarie grozy zawalenim
- 10/08 Sprôwdzą cësk zacmieniów Słuńca na zwierzãta
- 09/08 Słowò na niedzelã (9.08.26)
- 07/08 Bechtel przejimô plac bùdacje jądrowi elektrownie
- 07/08 Chùtczé zdënczi ë chùtczé dëtczi
- 06/08 Rusczi tank pòd Gniewinã
- 06/08 Rekrutëją jak w grze i kôżą zabijac
- 06/08 Krzëkwë w Nowi Zelandie
Komentarze