Reklama
Zatrzimelë pòdezdrzónégò ò òkradzenié bòlëcë
01/10/2026 16:00
Szandarzë nalezlë nié blós kradélca, le téż ambùlans z ùkradłim sprzãtã. Pòdelë ju, kùli bëłë wôrt łëpë ze szpitala.
Wedle tegò, czegò doszłë służbë, do bòlëcë w Miastkù ze strzodë na czwiôrtk w slédnym tidzeniu włómałë sa dwie òsobë. Wëbilë rutã i zaczãlë rabòwac. Ze stacje dializów ùkredlë sztërë zdrzélniczi, sztërë stacjonarné kómpùtrë, laptopa, defibrilatór, mònitór EKG, artikle domôcégò gòspòdarstwa, dzesãc tësący złotëch i klucze do ambùlansu. Pòtemù z gabinetu psychiatrë zabrelë psychòtropòwé léczi, a z aùtomatu słodczëznã. Wszëtkò zaladowelë do ambùlansu i òdjachelë. Wszëtkò bëło òbtaksowóné na sto òsmëdzesąt tësący złotëch. W piątk dwadzestégò piątégò séwnika szandarzë z Bëtowa, Miastka i Gduńska przë wspiarcym szandarów z Kòszalëna zatrzimelë w Kòszalënie jednégò z winowónëch ò rabùnk. Trzëdzescë sztërë lata stôri chłop dostôł timczasowi areszt na trzë miesące. Grozy mù do dzesãc lat sôdzë. Szandarzë nalezlë téż ùkradłi ambùlans, a bënë wikszosc sprzãtu z bòlëcë. Sprawa je w rozwicym i służbë dali szukają za drëdżim kradélcã abò jinszima persónama, co mògłë jim pòmagac.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Najnowsze wiadomości
- 09/10 Sprôwca zakaleniô sztrądu nieznóny
- 09/10 Sejm welowôł za zjinaką kònstitucje
- 07/10 Całô Stãżëca piecze chléb
- 07/10 Wrzos za skło
- 07/10 W Los Angeles złapelë chińską agentkã
- 07/10 Protestë francësczich licealistów
- 07/10 „Nótë” do robòtë
- 05/10 Rëchtëją sedzbã karna Cappella Gedanensis
- 05/10 W òbarnie błota w Charzëkòwach
- 05/10 Farwny wëstôwk
- 05/10 Cwiczëlë pierszą pòmòc na żëwëch pòjmańczikach
- 05/10 Magneticzné nótë!
- 04/10 Słowò na niedzelã (4.10.26)
- 01/10 Spiéwómë "Kaszëbsczé nótë" a grajemë!
- 01/10 Skòrùmpòwóny lesny ze Słowińsczégò Nôrodnégò Parkù
- 01/10 Zatrzimelë pòdezdrzónégò ò òkradzenié bòlëcë
- 01/10 Wëpôdk òb czas cwiczeniów òkrãtowiznë
- 01/10 Próba ataczi na bazã britijsczi latawiznë
- 29/09 ZÃBÒWÔ MËSZKA
- 29/09 GRIF - bòlo
Komentarze