Reklama
Napedlë na króm i òddelë jestkù na biédnëch
21/12/2025 15:58
Nôpôd miôł bëc akcją dôwającą bôczenié na gòspòdarczé jiwrë w kraju. Króm zapòwiôdô kònsekwencje.
Do jednégò supermarketu w Mòntrealu w Quebecu w Kanadze wrëgnãło karno lëdzy przezeblokłëch za mikloszów i elfów. Bëło jich kòl sztërdzescë i w czile minut zabrelë jestkù za czile tësący dolarów. Ùceklë nie płacącë, a òchronie nie ùdało sã jich złapic. Dzél ùkradłégò towaru zarô òstawilë na placu pòd krómã, kòl miesczi danczi. Ten nôpôd zrëchtowała grëpa zwónô „Robin Hoodama z Aléjków”. Swòji akcje nie krëlë, za to zagwësnilë, że całô néga łëpù trafiła do môlowëch banków jôdë. Miôł to bëc protest procëm roscącym prizóm za jôdã i pòmòc dlô nôbarżi brëkùjącëch. Hańdlowô séc, jakô je miéwcą krómù, wëdała òswiôdczenié w sprawie akcje. Pòdsztrichnãła, że kradzéż to wcyg je przesprawa i ni mòże bëc tolerowónô, a w dodôwkù detalicznô kradzéż sprôwiô rost prizów. Pòdała téż, że angażëje sã w pòmòc brëkùjącym i łońsczégò rokù przekôzała bankóm jôdë przez milión sto piãcdzesąt tësący dolarów w dëtkach, a téż jestkù ò wôrtnoce òsmëdzesąt jeden miliónów. Mòntrealskô pòlicjô szukô za sprôwcama, ale jesz nicht w sprawie nie béł aresztowóny.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Najnowsze wiadomości
- 17/03 Główczëce szukają métlu na wandalów
- 17/03 Chce Narwa òdapartnic sã òd Estońsczi?
- 16/03 Zawiészka na lëché òczë
- 16/03 Lës przepłënął Atlantik
- 15/03 Słowò na niedzelã (15.03.26)
- 14/03 Òkredlë smãtôrz w Niestãpòwie
- 14/03 Etnicznô jednota nade wszëtkò
- 14/03 Król Szwédzczi we Gduńskù
- 14/03 Dolëzna Smiercë òkwiatowónô
- 12/03 Płëwnica Nimfa do zamkniãcô?
- 12/03 Granat pòd skórą ùmarłégò pòjmańczika
- 12/03 Są trapë, ni ma przeńscô do nich
- 12/03 Rozdanié Ig Noblów pierszi rôz w Eùropie
- 10/03 Òdnëkôł agresywnégò amstaffa
- 10/03 Ùkrajina pòmòże biôtkòwac z Szahedama
- 09/03 Banë na centralné banowiszcze w Glasgow strzimóné
- 09/03 Pelplińskô diecezjô ni mô na naprawã dakù
- 09/03 Ruskô wëcopiwô sã z werbùnkù w czile afrikańsczich krajach
- 08/03 Słowò na niedzelã (8.03.26)
- 07/03 Trzë sostrë i òjc prowadzëłë ruchnowi gang
Komentarze