Reklama

W òbarnie błota w Charzëkòwach

Klëka

05/10/2026 19:28

Òdj. https://pl.wikipedia.org/wiki/Jezioro_Charzykowskie#/media/Plik:Poland_Charzykowskie_Lake.jpg

Deweloperzë chcą stawiac wielefamlliowé dodomë tam, gdze dzysdnia stoji wòda, a je w mòcë zôkôz zabùdowë.

W Charzëkòwach w gminie Chònice mieszkańcë dzejają w sprawie błotny òbéńdë w nordowim parce wsë. Midzë szasëjama Długą, Ùstronną a Wąską je tam teren łąków, barów czë gradeł, jaczé strzëmiwają wòdã. Dzysdnia wedle òglowégò planu gminë Chònice ten teren je wëłączony z zabùdowë. Mieszkańcë czëją równak ò tim, że pòstãpny, co wnożiwają do chùtkò kòscérzący sã wsë, chcą żorgac ò zniesenié zôkazu i przërëchtowanié terenu pòd nowé wielerodzëznowé parcele. Charzëkòwianie, ekòlogiczné òrganizacje i zarządzënë Zabòrsczégò Krôjmalënkòwégò Parkù a Nôrodnégò Parkù „Tëchòlsczé Bòrë“ są równak za tim, żebë bagnowi teren ùchòwac i zagwësnic, że nie bãdze zabùdowiwóny, w môlowim planie zabùdowë. Chòdzy nié blós ò ùchòwanié nôtërny wôrtnoscë, ale téż ò prakticzną szëchtã – błota strzëmiwają przezmiarã wòdë. Czejbë terô zamienic je na pòstãpné place bùdacje, wedle charzëkòwsczi radny Kamilë Mamczark za czile lat bëłobë nót wëdawac dëtczi na sztëczną retencjã. Wójt gminë Chònice Zbigórz Szczepańsczi zagwësniwô, że na nôblëższi sesje radzëznë gminë òbgôdóny bãdze projekt ùchwôlënkù ò tamecznym planie zabùdowë, wedle pòstulatów mieszkańców jeżlë jidze ò charzëkòwsczé błoto.

H.S.Sz.

Źródło i opracowanie własne