Do pòmòcë w gaszenim scygóny bëlë ògniarze z kùńców wòjewództwa. W bùdinkù bëło przez 1300 elektricznëch kòłów.
We strzodã 5. gromicznika pò gòdz. 1. pò pôłnim na gduńsczim Trélu (pòl. Przeróbka) wëbùchł òdżin kòl halów Naprawczich Zakładów Banowi i Miesczi Wòzënë przë sz. Sennicczi. Ewakùòwelë kòl 60 lëdzy. Je wiedec ò jedny òsobie szkòdowóny przë retanim dobëtkù i jedny zabróny na òbezdrzënë do bòlëcë. Płomë chùtkò zajãłë wiôldżi part òbiektu. Do pòmòcë przë gaszeniu bëlë wësłóny ògniarze nié z òkòlégò, ale téż z kartësczégò, wejrowsczégò, lãbòrsczégò a nawetka chònicczégò krézu. Pò Gduńskù òstôł rozesłóny alert RCB ò toksycznym dëmie z żôlący sã halë i prosbą ò zamikanié òknów. Wedle infòrmacjów pòdôwónëch przez ògniarzów wikszi dzél bùdinkù òstôł ùszkòdzony przez òdżin. Hala z 1912 rokù bëła wpisónô w register zabëtków. Strata równak nie tikô sã samégò le bùdinkù, bò bënë bëło składowónëch wicy jak 1300 elektricznëch kòłów MEVO i bateriów do nich. Jesz ni ma wiedzec ò przëczënach wëbùchù ògnia i prizu stratów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie