Reklama

Protestë francësczich licealistów

Klëka

07/10/2026 19:37

Strzimóné zajmë w szkòłach, reniony szandarzë i zamiécanié ògnia – tegò dokazéwają szkòlôcë, sztudérzë i robòtnicë pòùczënë, jaczi protestëją ju wicy jak tidzéń.

Òd pòniedzôłkù dwadzestégò ósmégò séwnika we Francje dérëją protestë licealistów. Domôgają sã òni ùprawieniô warënków nôùczi, w tim materialnëch, òdcążeniô szkólnëch, skróceniô planów ùczbów i zmniészeniô wielënë òsób w klasach. Do protestów wezwôł francësczi Syndikalno-Licealny Związk. Jakno pierszé wezwã pòdjimnãło liceùm Turgòt w Parizu, gdze szkòłownicë zaczãlë blokada szkòłë ò sódmi reno. We wtórk doparłãczenié do protestów zapòwiedzało czile warkòwëch związków z òbrëmiégò pòùczënë. W czwiôrtk na czilenôsce ùczbòwniach blokadë zòrganizowelë sztudérzë. Do piątkù drëdżégò rujana we wicy jak sztërësta szkòłach nie bëło zajmów. Wedle infòrmacjów, jaczé trafiłë do ministra edukacje Edouarda Geffraya, lëczba mòże ùrosc do piãcset, chòc niechtërne szkòłë z lepszima materialnyma warënkama chcą pòmale znów rëgnąc z ùczbama. Òd zôczątkù protestów do weekendu renionëch bëło sétmëdzesąt òsmë robòtników pòùczënë i przez szescset szandarów, a w dwadzesce sztërzech szkòłach doszło do pòdpôleniów abò jinszich aktów wandalizmù. Òrganizacje reprezentérëjącé licealistów òd piątkù prowadzą rozmòwë z ministrã i ju dostałë przërzeczi wprowadzeniô planu dzejaniô w òdpòwiescë na pòstulatë. Licealiscë gôdają, że bãdą cygnãlë protest, jaż nie dostóną kònkretnëch gwarancjów spôłnieniô jich żądaniów.

H.S.Sz.

Źródło i opracowanie własne