Reklama

Zëmòwé ruchna za darmôka w Baninie

Klëka

17/01/2026 16:25

Jedna jaka lżi dzeckù przemòknie i długò sã jã sëszi. Dlôte króm w Baninie ùdbôł so rozdawac jaczi za darmôka tim, co ni mają dosc dëtków na jich kùpienié.

Króm z noszonyma ruchnama ReSzafa z Banina wëszedł z inicjatiwą „Dzelimë sã cepłã” w òdpòwiescë na drãgą zëmã. W swòjich spòlëznowëch mediach ògłosył, że mô ù se cepłé zëmòwé jaczi dlô dzecy. Króm chce je òddac za darmôka tim, chtërnym nie sygô na jich kùpienié. Mòże je wzyc dlô se abò dlô znajomëch. Do tegò równak mùszi sã skòntaktowac z krómã przez priwatné wiadła na spòlëznowëch mediach. Tak mòże sã ùgadac na òdbiér jaczi. Krómòwé deklarëją, że nie bãdą zadôwałë niebrëkòwnëch pitaniów, a zanôlégô jim le na tim, żebë dzecóm bëło cepło. ReSzafa dzejô w Baninie przë szasëje Klónowi w bùdinkù niedalek placu zôbawów.

H.S.Sz.

Załączniki