Reklama
Szëkba za spadłim ze stratosferë
04/12/2025 10:40
Szkòłowô spòlëzna z Walhampton nie tracy nôdzeji, że miedzwiôdk, jaczi òdpôdł òd meteòrologicznégò balonu, naléze sã w całoscë.
Szkòła w Walhampton w Anielsce w wespółrobòce z Ùniwersytetã Southampton przeprowadzëła projekt wësłaniô meteòrologicznégò balonu do stratosferë. Za zgòdą britijsczégò ùrzãdu cywilny latawiznë wëpùscëlë balón z Lymington w pòniedzôłk dzesątégò smùtana. Do balonu przërzeszëlë dwa pluszowé bawidła: misza Bradfielda i jôzca Billa. Sama lecba sã ùdała i balón dolecôł do stratosferë, ale na wëszawie dwadzesce sétmë kilométrów nad zemią Bradfield òdpôdł òd kònstrukcje i spôdł. Òd tegò czasu ùdało sã nalezc balón i Billa, le za miszã wcyg szukają. W tim tidzeniu szkòła w Walhampton dała ò tim do wiadë i pòprosëła, żebë wëzerac za miszã Bradfieldã w pòmidzë môlëznama Henley-on-Thames a Reading, a szkòle dac znac, czejbë sã nalôzł.
H.S.Sz.
Aktualizacja: 05/12/2025 11:58
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie