Reklama
Niemieckô Lewizna radzy, jak nie jic do wòjska
22/11/2025 16:46
Jeżlë nie bãdze dosc rekrutów, Niemcë chcą kawlowò wëbierac chłopów do zacëgù spòmidzë zaklasyfikòwónëch. Partiô Lewizna chce doradzëc swòjim wëbòrcóm, jak sã przed tim òchronic.
Zgódno z ùgôdënkã rządzący kòalicje z niemiecczima socjaldemòkratama, òd przińdnégò rokù wszëtcë ùstny niemiecczi chłopi bãdą przechôdelë òbrzészkòwé lékarsczé badérowania i wëpôłniwelë kwestionariusze ò jich ùprocëmnienim do wòjskòwi służbë. Nie je ùdbóny przëmùsowi zôcyg do wòjska, ale jakbë zafelowało òchòtników, zôcyg bãdze przeprowadzony przez cygnienié kawlów. Sprocëmniwô sã temù partiô Lewizna, z dwacyfrowim pòpiarcym i pòpùlarnoscą òsoblëwie westrzód młodëch. We wëdowiédzë z jednym internetowim pòrtalã przédnik partie Jan van Aken dôł doradã tim, co nie chcą jic do wòjska: „Gôdają, że jak sã wëpôli pòrządnégò jointa przed badérowanim, to mòże pòmòc w tim, żebë bëc ùznónym za niespòsobnégò do służbë”. To leno jedna z wiele ùdbów, jaczé partiô mô do zabédowaniô młodim. Jan van Aken zapòwiedzôł, że wëdadzą całi doradnik z métlama na ùnikniãcé zôcëgù. Chòc òbrzészk służbë wedle kònstitucje mòże sã tëkac leno chłopów, partiô miała starã ò to, żebë doradnik przëdôł sã i białkóm, na wëpôdk niespòdzéwónëch zjinaków w prawie.
H.S.Sz.
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie