Chłop, jaczi dozérôł dzecë, òdpòwié za jich niedopilowanié i pòzwòlenié jima na weńdzenié do wòdë nimò zakazów òd retowników.
Sztërdzescësztërëlatny chłop ùczuł òbwinë za niedopilowanié piãc dzecy w wiekù dwanôsce i trzënôsce lat. W pòniedzôłk òsmënôstégò zélnika pò pôłnim jakno òpiekùn na kòlonie z Môłopòlsczi miôł dozér nad nima na niestrzéżonym pieglëszczu w Łebie, przë wësoczich dënëgach i zakazu kąpielë. Piątka dzecy weszła do mòrza i zaczinała sã w nim topic. Akùrôt przechôdelë tam dwaji retownicë, jaczi zmerkelë tonącą grëpã, kòl sto métrów òd brzegù i trzësta òd nôblëższégò strzéżonégò kąpielëszcza. Rëgnãlë na pòmòc i wëcyglë jich z wòdë. Jedna òsoba bëła zawiozłô do bòlëcë. Jich òpiekùn za narażenié jich na ùtratã żëcô abò zdrowiô mòże trafic so sôdzë nawetka na piãc lat. To blós jeden z wiele przëtrôfków niebezpiecznëch sytuacjów, jaczé na kaszëbsczich pieglëszczach pòtikają niebôczlëwëch turistów.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie