Przepisë, jaczé są bëlno znóné, ale téż te czësto zabëté nalézemë w nowi kùlinarny ksążce „Posmakuj Kartuz i Szwajcarii Kaszubskiej”. Przërëchtowôł jã kùlinarny gazétnik Rafôł Nowakòwsczi wespół z direktórką Kaszëbsczégò Mùzeùm w Kartuzach Barbarą Kąkòl. Prawie w nym mùzeùm bëła promòcjô ti pùblikacji.
Òkòma prezentacji ksążczi bëła téż mòżlëwòta pòszmakaniô rozmajitëch kaszëbsczich szmaczków przërëchtowónëch przez KGW „Czym chata bogata” ze Serakòwsczégò Łësniewa. Na placu béł naji repòrtéra Mateùsz Bùllmann, chtëren przëszëkòwôł dlô naju krótczi film.
Twoje zdanie jest ważne jednak nie może ranić innych osób lub grup.
Komentarze opinie