Reklama
Rok sôdzë za przekliństwa i szpacérã pò sztrądze
25/08/2026 21:35
Szwajcarsczémù turisce nie ùwidzałë sã regle òbrzesziwającé na Bali w tameczny Nowi Rok. Za jich swiądné złómanié na òstrowie pòsedzy dłużi, jak mëslôł.
Na indonezyjsczim òstrowie Bali na zymkù fejrëją Dzéń Cëszë, jaczi merkô Nowi Rok pòdle balijsczégò kalãdarza. W ten dzéń nie pôlą ògnia, nie rézëją ani nie robią przez całą dobã – tikô sã to nawet midzënôrodnégò latawiszcza Ngurah Rai. Pò szasëjach chòdzą leno patrole, jaczé pilëją, żebë lëdze sedzelë doma. Latos Dzéń Cëszë wëpôdł dzewiãtnôstégò strëmiannika. Na Bali béł tedë turista ze Szwajcarsczi, dwadzesce szesc lat stôri Andrin Zgraggen. Znérwòwôł sã, że przez całi dzéń ni mógł nigdze kùpic jestkù. W nocë wëszedł przeńc sã pò sztrądze i nagrôł filmik, w jaczim chwôlił sã, że patrole gò nie trafiłë. Gôdającë ò swiãce brëkòwôł wùlgarizmów. Nagranié wrzucył do Internetu. Rozgòrzony Balijczicë zażorgelë, żebë Szwajcôr òdpòwiedzôł za swòje zachòwanié. Prawie òstôł òbsądzony. Sãdza Tjokòrda Pùtra Bùdi Pastima skôzôł gò na rok sôdzë. Zgraggen tłómacził sã, że nie rozmiôł do kùńca reglów lokalnégò zwëkù, równak sãdza pòdczorchnął, że pòwiedzôł mù ò wszëtczim personel hotelu, w jaczim Szwajcôr gòscył. To pierszi rôz, jak za złómanié reglów Dnia Cëszë balijsczi sąd skôzôł turista na sôdzã, chòc ju rëchli biwelë zatrzëmiwóny.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Najnowsze wiadomości
- 25/08 Rok sôdzë za przekliństwa i szpacérã pò sztrądze
- 25/08 Rusczi transpòrt barżi inkluzywny
- 25/08 Ùtczą pamiãc Leszka Gerszewsczégò
- 23/08 Słowò na niedzelã (23.08.26)
- 22/08 Luksusowi jacht na snôdczëznie w gminie Wickò
- 22/08 Zbómbòwelë bùddijsczi klôsztór
- 22/08 Katastrofa w czerpiszczu w Westrzédny Africe
- 21/08 AÙTOWI SCHNITZELBANK - reklama
- 20/08 Ùpôdk miastecczi bòlëcë
- 20/08 Delegacjô z Nowégò Targù w Kòscérznie
- 20/08 Rozeslą pò Szpańsce piãcset dzéwczãt
- 20/08 Krôdł partë całów ze smiertelnicë i przedôwôł
- 19/08 Lãbòrżón zatrzimôł falszëwégò szandarã
- 19/08 Trzech Serbów i Pòlôszka pòdpôlelë lasë
- 19/08 Bibloteka wëcygô z kòscersczégò banowiszcza
- 19/08 Nôstarszô òrka Gibraltarsczi Zwãżënë pòstrzelonô
- 19/08 Eùropòsélc wlëmił nôscelôtkóm
- 17/08 Wëskòkła z aùtoła, szandarce rzekła ò grozbach
- 17/08 Amerikańsczi żôłnérze przez dwasta dni na mòrzu
- 17/08 Lubòmirscë chcą òbrazów, mô je słëpsczé mùzeùm
Komentarze