Rząd winëje insititucjã ò stratã niezanôleżnotë i rzetelnoscë. Cwierdzy téż, że Madżarskô nigdë nie bëła òbrzeszonô słëchac Rzimsczémù Sztatutowi.
Czej na zôczątkù łżëkwiata Madżarskã òdwiedzył premiéra Izraela Benjamin Netanjahu, madżarsczé służbë gò nie aresztowałë, nimò wnióskù wësłónégò do Bùdapesztu przez Midzënôrodny Sztrôfny Tribùnał w Hadze. Ju tedë rząd Viktora Orbána zapòwiôdôł wëcopanié sã z nôleżnictwa w Institucje. We wtórk dwadzestégò dzewiątégò łżëkwiata taczi projekt przed madżarsczim parlamentã przedstawił szef diplomacje Peter Szijjarto. Pòsélcowie przëjãlë projekt, co òznôczô, że Madżarskô òprzëstónie słëchac Tribùnałowi. Wedle wëszëznów, pòdpisanié ë ratifikacjô Rzimsczégò Sztatutu i tak nigdë nie weszłë do krajowégò prawa, bò bëłë niezgódné z kònstitucją. Terô Bùdapeszt mùszi przedstawic pòwiadomienié ò przëjãti ùstawie generalnémù sekretarzowi Òrganizacje Zjednónëch Nôrodów – òd tedë proces wëchôdaniô z Tribùnału pòdérëje rok.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie