Wedle badérów bòcónë dżiną z głodu przez gùmczi, jaczé zatikają jima przełëk.
Krajewi Związk Òchronë Ptôchów i Rodë w Bajerach we wtórk dwanôstégò zélnika pòdôł wëniczi badérowaniów całów zdechłëch biôłëch bòcónów, w związkù z jich pòdwëższoną smiertnoscą. W pòkôrmòwëch drogach wiele z nich nalezlë gùmczi recepturczi, jaczé zatkałë przełëk na tëli, że nie pòzwôlałë przechadac dali jich òstałi jôdze – ptôchë ni mògłë ju nick trawic i pôdałe z głodu. Bòcónë corôz czãscy nalôżają gùmczi w swòjich nôtërnëch strzodowiszczach, a te wëdôwają jima sã szlachòwac za wãdzëbôkama, jaczé jedzą same i dôwają swòjim młodim – nie są w sztãdze òdróżnic jich szmaczi. Wedle bajersczich znajarzów òsoblëwie czãsto to dô wiele recepturków, gdze trôfiają razã z kómpòstã. Związk wezwôł do tegò, żebë miec bôczenié na richtich segregacjã smieców. Z òbtaksowaniów wëchôdô, że gùmczi mògą bëc direktną przëczëną wiele wicy bòcanich smierców jak na to wskôzałë przeprowadzoné sekcje.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie