Reklama

Macronowie pòkôżą dokazë, że Brigitte ùrodzëła sã białką

Klëka

19/09/2025 09:45

Brigitte Macron; Quirinale.it; https://pl.wikipedia.org/wiki/Brigitte_Macron#/media/Plik:Brigitte_Macron_2024_(1).jpg

Amerikańsczi sąd mô rozsãdzëc midzë Emmanuelã i Brigitte Macron a Candance Owens, jakô cwierdzy, że białka prezydenta Francje mô zmienioną płec.

Prawnik francësczi prezydencczi pôrë Tom Clare dôł do wiadë, że Macronowie ùdbelë so przedstawic przed amerikańsczim sądã w Delaware dokazë na to, że Brigitte Macron ùrodzëła sã jakno białka. Òd lëpińca mają wniosłi tam pòzew procëm amerikańsczi pùblicystce Candance Owens, jakô cwierdzy, że białka prezydenta Francje ùrodzëła sã jakno chłop, je blëską krewną prezydenta, a òn sóm òstôł wëbróny dzãka krëjamnémù programòwi kòntrolë magów amerikańsczi Centralny Wëdowiédzowi Agencje. Wedle prawnika Macronów, chcą òni skùpic sã na pierszi òbwinie i pòkazac w sądze midzë jinszima òdjimczi Brigitte Macron jak je niesama, abò gdze je widzec, jak zajimô sã dzecama, jak téż mediczné pòcwierdzenia, że wiedno bëła białką. W zélnikù Macron tłómacził medióm, że razã z białką delë sã na wniesenié pòzwù z pòzdrzatkù na swòjã tczã, a téż żebë zniechãcëc jinëch pùblicystów przed szlachòwanim za Candance Owens, jakô swòje teòrie rozkòscérzô dlô sprawieniô krziwdë w służbie dalekprawiznowi dejologie. Pùblicystka ë ji prawnicë zapòwiedzelë wniósk ò òddalenié sprawë, bò Owens ni mô gòspòdarczégò dzejaniô zaregistrowónégò w Delaware, a branié ùdzélu w procesu w tim stanie sprawiłobë ji wiôldżé trëdnoscë.

Załączniki