Reklama
Interwencje gduńsczich starżników mdą nagriwóné
18/02/2026 10:42
Kamérë Mieskô Starżô kùpiła na próbã. Pòdwëższi przëzdrzą sã temù, jaczi bãdą miałë cësk na robòtã starżników.
Mieskô Starżô we Gduńskù mô kùpioné pierszé òsmë nasebnëch kamérów. Kòształo to piãcdzesąt tësący złotëch z gwôsnëch dëtków. Starżnicë bãdą mùszelë włãczac kamérë przed kòżdą pòdjimóną interwencją. Mają satelitarny lokalizatór, dzãka czemù bãdze wiedzec dokładné place zdarzeniów. Nagrania mają pòmòc w rozwidnienim wszelejaczich wątplëwòsców co do służbë starżników. Je téż nôdzeja, że jeżlë bãdą infòrmowac na interwencjach òbëwatelów, że są prawie nagriwóny, to zmniészac sã bãdze agresjô i kòżdi bãdze òpasowôł na to, co gôdô abò robi. Czë te założenia ò ùsprawnienim robòtë szandarów sã sprawdzą – tim zajic sã mô prawie zaczãti pilotażowi program. Òsmë kamérów bëło rozdóné patrólóm jeżdżącym na dwanôscegòdzynné służbë. Jeżlë wińdze na to, że jich kùpisz béł dobrim wëdatkã, Starżô kùpi wicy sprzãtu. Mòże tëch kamérów rozdac nawet sztërdzescë.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze