Reklama

Banowô katastrofa w Badenie-Wirtembersce

Klëka

28/07/2025 17:54

Badeniô-Wirtemberskô na karce Niemców. Aùtór: TUBS; zdrzódło: https://pl.wikipedia.org/wiki/Badenia-Wirtembergia#/media/Plik:Baden-W%C3%BCrttemberg_in_Germany.svg

Cug òd Niemiecczégò Banu wëpôdł ze sztrëczi pò zsëniãcym sã dargòwiszcza. Przëczënic sã do tegò mògła bùrzô z deszczã.

W niedzelã dwadzestégò sódmégò lëpińca pò szósti pò pôłnim kòl Riedlingen w Badenie-Wirtembersce dwa wagònë banë relacje Sigmaringen–Ùlm wëpadłë ze sztreczi. Za nima przeczidnął sã całi skłôd – part wagònów legnął na bòkù. W zdarzenim zdżinãłë trzë òsobë, w tim maszinista ë jinszi robòtnik Niemiecczégò Banu. Piãcdzesąt òsób bëło renionëch, z czegò pòłowa cãżkò – wszëtczim ju ùdzelonô òstała pòmòc. Całim składã jachało kòl sto pasażérów. Plac, w jaczim doszło do wëpôdkù, je drãdżi do prowadzeniô w nim retënkòwi akcje. Jesz w pòniedzôłk służbë bãdą pòdnosëc zwróconé wagònë. Nie je jesz wiedzec, co bëło przëczëną katastrofe. Wskazéwô sã na mòcną bùrzã z deszczã, jakô przeszła przez Riedlingen krótkò przed przejazdã banë, co mògło pòdmëc banowé dargòwiszcze na tëli, że mògło sã zsënąc razã ze sztreką pòd cãżarã banë.

H.S.Sz.

Załączniki