Reklama

Chcą ekshumòwac òfiarë pòlsczich partizanów

Klëka

27/08/2026 14:20

Territorial structure of UPA. Aùtór: Mikolavos; zdrzódło: https://pl.wikipedia.org/wiki/Ukrai%C5%84ska_Powsta%C5%84cza_Armia#/media/Plik:UPA-structure.PNG

Akcje Krajewi Armie procëm Ùkrajińcóm miałë bëc òdpòwiescą na dzjeania Ùkrajińsczi Pòwstańczi Armie. W atakach dżinãlë cywile.

W ùkrajińsczi sekcje Radia Swòbòda pòrëszonô òstała téma ekshumacjów. Chòdzy ò ekshumacje ùkrajińsczégò cywilnégò lëdztwa w Łaskòwie i Sahriniu w lubelsczim wòjewództwie, gdze dzesątégò strëmiannika tësąc dzewiãcset sztërdzestégò czwiôrtégò rokù pòlsczi partizani, w wikszoscë żôłnérze Krajewi Armie, pòzabijelë czileset Ùkrajińców, czerëjącë sã za rozkazama wëższégò wództwa. Ekshumacjama miała sã zajic kòmùnalnô pòdjimizna Lwiwsczi Òbwòdowi Radzëznë „Dola”. Ji przédnik Swiatosłôw Szeremeta gôdô, że dlô ùkrajińsczi starnë nie są jasné wszëtczé fòrmalné wëmôgania co do zgòdë na przeprowadzenié ekshumacje. Wiedno jak skłôdają wniósk, z pòlsczich ùrzãdów przëchôdają òdpòwiescë z prosbą ò dofùlowanié pòstãpnëch fòrmalnosców. Wedle Szeremetë abò je to biórokraticzny szermëcel, abò czerowanié sã za pòliticznyma decyzjama z górë. Timczãsã pòlsczi Institut Nôrodny Pamiãcë mô dostóné spisënk wszëtczich wëmôganiów do ùdostaniô zgòdów na ekshumacje na Wòłëniu ë te zgòdë dostôwô. Ùkrajina mô wstãpno ùdbóné robòtë w Łaskòwie i Sahriniu latos na séwnik i rujan, ale wcyg żdaje za zgòdama. Pòlsczi Institut Nôrodny Pamiãcë dôł do wiadë, że na prawòsłôwnëch cerkwiszczach, na jaczich miałobë duńc do ekshumacjów, ni ma wòjnowëch grobów, tak tej decyzje słëchają do môlowi administracje. Przë tim wedle Institutu Ùkrajińcë ju dostelë òd niegò pòmòc co do fòrmalnosców, jaczich mùszą dofùlowac.

H.S.Sz.

Źródło i opracowanie własne