Reklama

Nie òpasowelë na sztorëm i zdżinãlë

Klëka

09/11/2025 16:11

Satelitarny òdjimk Tenerifë (satelita Copernicus Sentinel). Zdrzódło: https://pl.wikipedia.org/wiki/Teneryfa#/media/Plik:Tenerife_sentinel_2.jpg

Seriô zdarzeniów zrzeszonëch z ùderzenim wësoczich wałów w Tenerifã zabrała żëcé trzem lëdzóm, w tim jednémù chłopù z Tenerifë, jedny białce z Holandie, a téż drëdżémù chłopù, ò jaczim służbë próbùją jesz sã doznac, kògùm béł.

W sobòtã ósmégò smùtana w apartnëch zdarzeniach trzë òsobë zdżinãłë, a piãtnôsce bëło renionëch pò ùderzenim wësoczich wałów w Tenerifã, òstrów słëchający Szpańsce. Pòtkało to tak mieszkańców jak turistów, jaczi bëlë zarô nad wòdą czej wałë ùderzëłë w sztrąd. Alarmòwi stón je na Tenerifie ògłoszony òd czwiôrtkù. Òd zabitëch jeden chłop wpôdł do wòdë i pò zabranim helikòpterã do bòlëcë béł ùznóny za ùmarłégò. Drëdżégò chłopa nalezlë ju miartwim, czej jegò cało ùnôszało sã na wòdze. Slédną smiertną òfiarą bëła starszô białka, jakô dostała atakù serca, czej razã z dzewiãc jinszima òsobama bëło zabróné przez dënëgã do wòdë – z òstałëch trzë dostałe pòwôżnëch zrenieniów. Służbë pòdsztrichiwają, że we wszëtczich zdarzeniach lëdze nie ùsłëchelë òstrzégów ò sztorëmie. Te kùreszce nie są na Tenerifie czims rzôdczim, a òstrzéga ò nym, co dérëje òd czwiôrtkù, bëła dónô do wiadë mieszkańcóm na òstrowie z pasownym wëprzińdnienim.

H.S.Sz.