Reklama

Warkòwnie z mòderny kaszëbiznë za darmôka

Klëka

07/09/2026 21:00

Projekt Kaszëbë Vibes mô ùczëc wëzwëskaniô znajomòtë kaszëbsczégò jãzëka i kùlturë w mòdernëch rëmach a téż dlô pòdwigiwaniô swòjich kómptencjów.

Kaszëbskô Filharmóniô – Wejrowsczé Centrum Kùlturë rôczi do ùdzélu w warkòwniach Kaszëbë Vibes. Dostało na nie dofinancowanié sztërdzescë sztërë tësące sétmëset złotëch òd Institutu Jãzëkòwi Rozmajitoscë. Przédné zadanié warkòwniów to rozwij spòsobnosców i kómpetencjów zrzeszonëch z kaszëbską kùlturą i jãzëkã, jaczé bë sã przëdałë na rënkù robòtë. Kaszëbizna bãdze pòkôzónô w kònteksce mediów, edukacje, gazétnictwa i mòderny kòmùnikacje. W òferce są sztërë mòdułë, jaczé bãdą przeprowadzoné w rozmajitëch terminach òd pòłowë séwnika do kùńca smùtana. Bãdze leżnosc naùczëc sã wëzwëskaniô kaszëbiznë w spòlëznowëch mediach z Adamã Héblã, robòtë w terenie czë twòrzeniô pòdkastów z wëzwëskanim lokalny juwernotë ze Staszą Bùdzysz, kaszëbsczi pòézje, prozë i swiądny robòtë ze słowã z Tomôszã Fópką czë robòtë z głosã i mikrofònã a métlów dôwaniô so radë z tremą z Piotrã Adamòwã. Na kùńc smùtana je téż ùdbónô mòderowónô debata dlô ùczãstników. Wszëtczé warkòwnie są za darmôka. Mòże wëbrac jeden mòduł, a mòże wëbrac czile. Rôczony są wszëtcë chãtny, co mają skùńczoné sztërnôsce lat, ale lëczba placów je ògrańczonô. Ju dérëją zapisë na zajmë z Adamã Héblã i Staszą Bùdzysz, a ò nédze Kaszëbskô Filharmóniô bãdze dôwała do wiadë na swòjich spòlëznowëch mediach a internetowi starnie.

H.S.Sz.

Źródło i opracowanie własne