Reklama
Ùrżnął gałąz kandidatowi na drzewò rokù
03/09/2026 19:51
Francësczé klonë w Pòlsce są fest rzôdczé. Jeden prawie stracył pòłowã swòji kòrónë.
Trzë miesące nazôd gmina Główczëcë rôczëła do welowaniô w kònkùrsu na Drzewò Rokù na „Melodiã Loarë” z Żelkòwa. Je to dzëwò roscący francësczi klón, wësoczi òsmë métrów, z pniã òbwòdu sto trzëdzescë centimétrów. Ten gatënk w Pòlsce rosce przewôżno blós w bòtanicznëch ògardach i arbòretach. „Melodiô Loarë” wërosła sama i przez òsmëdzesąt szesc lat stojała kòl stegnë midzë szkòłą a smãtarzã w Żelkòwie. Nalazła sã w finale òglowòpòlsczégò kònkùrsu. Droga, przë jaczi rosła, bëła pòd kùńc zélnika przebùdowiwónô i òb czas robòtów drzewò òstało mòcnò ùszkòdzoné. Czerowca kòpôrczi przez przëtrôfk nadłómôł jednã wikszą gałąz, a tej z nikògùm tegò nie ùgadiwającë do czësta jã òdcął. Do wójta gminë Główczëce Rafała Teterczi wiada ò ùszkòdzenim „Melodie Loarë” trafiła w pòniedzôłk trzëdzestégò pierszégò zélnika. Na kòszt firmë, co robiła przë drodze, do klonu scygną dendrologa. Ten òbtaksëje, czë czasã drzewò ni mùszi bëc dëcht wëcãté.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Najnowsze wiadomości
- 03/09 Ùrżnął gałąz kandidatowi na drzewò rokù
- 03/09 Szwédzë cwiczëlë masowé pògrzebë
- 02/09 "Kaszëbsczé Nótë" w czasu i rëmie
- 02/09 Cwiczenia psów w Czôrnym
- 02/09 „Òni mie pòwieszą” – prorokùje Pùtin
- 30/08 Słowò na niedzelã (30.08.26)
- 30/08 Ùmarł król Norwesczi Harald V
- 30/08 Mór swiniów w gminie Główczëce
- 27/08 Gdińskô radzëzna za kaszëbską pòzwą na wjezdze
- 27/08 Nalezlë pòstãpné òfiarë Marszu Smiercë
- 27/08 Chcą ekshumòwac òfiarë pòlsczich partizanów
- 27/08 Samòta japòńsczi premiérczi
- 26/08 Òżniwinë w Bólszewie
- 25/08 Rok sôdzë za przekliństwa i szpacérã pò sztrądze
- 25/08 Rusczi transpòrt barżi inkluzywny
- 25/08 Ùtczą pamiãc Leszka Gerszewsczégò
- 23/08 Słowò na niedzelã (23.08.26)
- 22/08 Luksusowi jacht na snôdczëznie w gminie Wickò
- 22/08 Zbómbòwelë bùddijsczi klôsztór
- 22/08 Katastrofa w czerpiszczu w Westrzédny Africe
Komentarze