Reklama
Sztërë mieszkania òstrzélóné w Szemrejcach
26/02/2026 09:30
Służbë wezwóné do môlëznë z wòjskòwą bazą wiedzą ju, jaczi gwës barnie ùżëlë sprôwcë.
W sobòtã dwadzestégò pierszégò gromicznika w Szemrejcach pòd Lãbòrgã w jednym z bloków mieszkańcë niemało sã ùrzaslë, czej rutë jich mieszkaniów òstałë òstrzélóné. W môlëznie stacjonëją żôłnérze z bazë mòrsczi latawiznë. Wezwónô pòlicjô chùtkò scwierdzëła, że ùżëtô bëła barniô na szrut, nôgwësni wiatrówka. Niżódno z mieszkaniów nie nôleżało do wòjskòwëch. Chòc nikòmù z lëdzy nic sã nie stało i nie wëzdrzi na to, żebë chtos miôł ùdbóné zrobic krziwdã kònkretno tim rodzëznóm, jaczich rutë znikwił szrut, szandarzë pòdchôdają pòwôżno do zgłoszeniégò. Dérëje szëkba za infòrmacjama, co pòmògą nalezc sprôwcã. Jeżlë służbë scwierdzą, że doszło do zagrôżbë żëcô abò zdrowiégò, grozy mù do trzech lat sôdzë.
H.S.Sz.
Załączniki
Źródło i opracowanie własne
Aktualizacja: 26/02/2026 14:53
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze