Niemcë bãdą zôs mòglë brac wësoczé kreditë na swòje wòjskò i bezpiek państwa. Ògrańczeniô, jaczé òbrzesziwało w kònstitucje, dosc sã trzimelë òd kùńca drëdżi swiatowi wòjnë.
We wtórk òsmënôstégò strëmiannika niemiecczi Bundestag przegłosowôł zjinakã kònstitucje, do czëgò nót bëło głosu dwùch trzecëch pòsélców. Zjinaka sã tikała dëtków – dotądka òbrzesziwôł „scygôcz zadłużeniégò”, wedle jaczégò bùdżetowi deficyt ni mógł bëc zwiksziwóny wëżi jak trzëdzescë piãc setnëch procenta Krajewégò Produktu Brutto. Òd terô z tegò ògrańczeniô mają bëc wëjimniãté wëdôwczi na wòjskò, cywilną òbarnã, służbë i cyberbezpiek. Niemieckô bãdze mògła je financowac na bórg. Jak pòdsztrichiwô minister òbarnë Boris Pistorius, mô to nié blós zagwësnic bezpiek niezanôleżno òd bùdżetowëch ògrańczeniów, ale téż pòzwòlëc na stójné financowanié jinszich brëkòwnotów, jak socjalny pòmòcë, dlô jaczich limit wcyg je w mòcë. Na zjinakã zgòdã mùszi jesz dac wëższô jizba parlamentu, Bundesrat, chtëren zagłosëje nad tim w piątk dwadzestégò pierszégò strëmiannika. Wikszosc tam mają przedstôwcowie tëch partiów, co w Bundestagu dałë zgòdã, tak tej nôgwësni zjinaka òstónie przëjimniãtô.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie