Ògrańczenié parłãczi sã z rządowim programã pòdwigniãcô demògraficznëch wëników.
W niedzelã dwadzestégò łżëkwiata tërecczé Ministerstwò Zdrowiégò wprowadzëła zakôz przeprowadzaniô pòrodów przez césarsczé cãcé w priwatnëch zakładach służbë zdrowiégò. Wëjątkã mògą bëc leno przëtrôfczi kònkretnëch lékarsczich wskôzów, ale òdgórné zaplanowóné césarsczé cãca na żëczbã białczi ju mają nie bëc mòżebné. Je to part programù rządu w związkù z ògłoszenim w stëcznikù latoségò rokù „rokã rodzëznë” przez prezydenta Recepa Erdoğana. Ten prowadzy kampaniã, jakô mô pòdwignąc wskôz dzetnoscë, jaczi dzysdnia je w Tërecce nisczi. Prezydent zachãcywô Tërczinczi, żebë dôwałë sã na wëchòwiwanié co nômni trojga dzecy. Do tëch demògraficznëch starów dorzucô téż promòcjã nôtërnëch pòrodów, w òdpòwiescë na rapòrt sprzed sztërzech lat, wedle jaczégò kòl piãcdzesąt òsmë procent żëwëch pòrodów w Tërecce dzejô sã przez césarsczé cãcé. Tim wódca kraju scygô na sebie niechãc òpòzycje i òrganizacjów biôtkùjącëch ò prawa białków.
H.S.Sz.
Twoje zdanie jest ważne jednak nie może ranić innych osób lub grup.
Ten komentarz jest ukryty - kliknij żeby przeczytać.
Ten komentarz jest ukryty - kliknij żeby przeczytać.