Badérowania miałë dokazac tezë ò tim, że nawetka kùlinarnô szmaka mòże parłãczëc sã z kònkretnym zgrôwã w przëjimanim pòliticznëch pòzdrzatków.
Institut Ipsos zbadérowôł zanôleżnosc midzë jedzenim miãsnëch klopsów a pòliticznyma pòzdrzatkama w Norwesce. Całô norweskô pòpùlacjô co rokù zjôdô szescdzesąt sztërë miliónë pòrcjów klopsów. Òd przëstojników norwesczich partiów nôwicy jich zjôdają przëstojnicë Partie Centrum – sétmënôsce i dwie dzesąté razy òb rok. Kąsk mni jedzą ti co przëstôjają dalekprawiznowi Partie Pòkrokù – piãtnôsce i trzë dzesąté razy. Dali w rankingù są chadecë òd Chrzescëjańsczi Lëdowi Partie, kònserwatiscë òd partie Prawizna, socjaldemòkracë òd Partie Robòtë i liberałowie òd Lewiznë, a nômni klopsów jedzą daleklewiznowi welmanowie Czerwionëch i centrolewiznowi Strzodowiszczowi Partie Zelonëch. Z analizë pòzdrzatków tëch partiów wëchôdô, że tipiczny norwesczi lubòtnik klopsów je mést starszą òsobą, żëjącą dalek òd wiôldżégò gardu, a timczasã młodi òdemkłi na globalizacjã i skùpiony na sprawach strzodowiszcza i seksualnëch mniészëznów niechãtno wëbierzą je na pôłnié. Direktór Ipsosu w Norwesce Eirik Friberg Ekrann skòmentérowôł wënik badérowaniô, wskazéwającë, że chòc mòże sã òn wëdawac zôbawny, to pòkazéwô że nawetka taczé na pierszé wezdrzenié mało wôżné wôrtnotë jak kùlinarné preferencje mògą dac jasniészi pòzdrzatk na pòlitikã jak zastarzałô òs lewizna-prawizna.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [3-8.08]](https://cdn.cmc-gallery.pl/static/files/gallery/590/thumb__1884964_1756835684.webp)
Komentarze opinie