Lubòtnicë historie wskazéwają Dzemiónë jakno jeden z mòżebnëch môlów ùkrëcô Jantarowi Jizbicë.
Wòjewódzczi Ùrząd Òchrónë Zabëtków we Gduńskù dôł do wiadë, że wëdôł zgòdã na rëgniãcë z archeòlogiczną szëkbą za docygónym rëskinowim schronã w Dzemiónach z czasu drëdżi swiatowi wòjnë na terenie dôwnégò pòligònu SS. Robòta ju dérëje. Wedle nieòficjalnëch infòrmacjów rozkòscérzónëch strzód znajarzów historie i szukarzów skarbów mòże tam bëc schòwóné skòpicą skarbów zrabòwónëch przez Niemców òb wòjnã. Dzemiańsczi schrón je téż jednym z wiele môlów, ò jaczich sã gôdô, że mòże tam bëc zadżinionô Jantarowô Jizbica, co jã Niemcë mielë zabróné z Carsczégò Soła i skrëté w pòdzemiach królewiecczégò zómkù, gdze ji Czerwionô Armiô nalezc ni mògła.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie