Reklama

Kònkùrs na projekt skarszewsczégò rënkù

Klëka

09/09/2025 12:38

Projektë bãdą dostawac pùnktë midzë jinszima za dopasowanié projektu do historiczny zabùdowë, richtich pòdéńscé do miesczi zelonoscë, lónowanié ë atrakcjowòsc ùdbë.

Ùrząd gardu Skarszewë ògłosył kònkùrs na ùdbã na ùrządzenié miesczégò rënkù. Do sétmënôstégò rujana mòże zgłaszac swòje bédënczi, a do dobëcô je dzesãc tësący złotëch brutto. Trzë nôlepszé ùdbë bãdą wëbróné przez kòmisjã, a pòtemù bãdą przedstawioné mieszkańcóm w pùblicznym welowanim przez spòlëznowé media. Projektë mùszą sã dobrze wpisac w dzysdniowi wëzdrzatk gardu, a niżóden nie bãdze zrealizowóny bez zgòdë kònserwatora zabëtków, bò rënk i jegò òkòlé są òbjimniãté kònserwatorską òchróną. Bùrméster Skarszéw Jack Paùli ùprzedzył téż, że gard nie je zainteresowóny projektama, jaczé bë doprowadzëłë rënk do tak pòzwóny betonozë – projektë mają bëc snôżé ë drëszné dlô mieszkańców. Ògłoszenié wëników kònkùrsu je zaplanowóné na sétmënôstégò smùtana.

H.S.Sz.

Załączniki