Reklama

Pierszi swiãti papieża Léòna kanonizowóny

Klëka

08/09/2025 20:03

Ze swiata, Pierszi swiãti papieża Léòna kanonizowóny - zdjęcie, fotografia

Dzesątczi tësący wiérnëch zjachałë na kanonizacjową mszã Piotra Jerzégò Frassatiégò i Karóla Acutisa, patrónów młodzëznë.

W niedzelã sódmégò séwnika òd rena na Placu Swiãtégò Piotra w Watikanie stojałë rzmë wiérnëch z Italsczi ë jinëch krajów zjachónëch na kanonizacjã Karóla Acutisa i Piotra Jerzégò Frassatiégò, pierszą kanonizacjã za pòntifikatu ternégò papieża, Léòna. Przed mszą ò dzesąti gòdzënie biskùp Rzimù kanął na placu żebë pòzdrowic zgromadzonëch. Na mszë bëlë bëtny midzë jinszima sostrzónka Piotra Jerzégò Frassatiégò a téż starszi ë rodzeństwò Karóla Acutisa. Òbaji swiãti bëlë zaangażowóny w rozkòscérzanié katolicczi wiarë w swòjich strzodowiszczach i ùmerlë młodo, tej ùroczëzna jich zarechòwaniô do swiãtëch Kòscoła zebrała wiele młodëch pielgrzimów, a wëbranié jich jakno pierszich swiãtëch kanonizowónëch przez papieża Léòna mô znankòwac òdemkłosc jegò pòntifikatu na doswiôdczenia i wôrtnotë młodëch lëdzy.

H.S.Sz.