Dwaji chłopi ze strzélną barnią òstelë zatrzimóny. Wedle służbów chcelë wëdostac z sôdzë wódcã tërecczi mafie.
We strzodã trzecégò séwnika w Viterbo we westrzédny Italsce dérowałë przërëchtowania do tradicjowégò pòchòdu z trzëdzescemétrową, cziletonową wieżą zwóną masziną swiãti Różë, jaką z leżnoscë swiãta patrónczi gardu szasëjama jegò historicznégò partu co rokù przenôszô sto chłopów. Na òbzéranié tegò pòchòdu, wpisónégò na lëstã swiatowi spôdkòwiznë Òrganizacje Zjednónëch Nôrodów do sprôw Pòùczënë, Nôùczi i Kùlturë, pòzeszło sã latos kòl sztërdzescë tësący lëdzy. Przërëchtowania do swiãta równak dérowałë w ùstawie zagrôżbë. Niechtërny wôżniészi gòsce na wëdarzenim mielë je òbzerac z òknów rôtësza abò òstelë ewakùwòwóny – to pòtkało midzë jinszima wicepremiérã Antonio Tajaniégò, eùropòsélckã Antonellã Sbernã i pòsélca Maùro Rotellégò. Na szasëjach Viterbo bëło widzec specjalné karna szandarów z psama, a téż sapérów. Procëm tradicje pòchód z masziną swiãti Róże przez pół drodżi òdbiwôł sã przë zapôlonëch lampach. Dzãka tim wszëtczim strzódkóm bezpiekù szandarzë nalezlë i zatrzimelë w jednym z penzjónatów dwie òsobë z maszingewérą i dwùma zaladowónyma pistólama. To bëlë nôleżnicë tërecczi mafie, jaczi mòglë planowac atak dlô wëdostaniô z môlowi sôdzë swòjégò wódcã Bòrisa Bòyuna. Wëdowiédzô je prowadzonô przez pòdszukòwnëch téż w sprawie szmùglowaniô barnie. Służbë docygają, że na wòlë mòże òstawac jesz jeden kamrôt przesprôwców, jaczi równak sóm mést nie sprawi zagrôżbë. Atak òstôł strzimóny, pòchód òstôł przeprowadzony, a za sprawné dzejanié służbóm pòdzãkòwelë wicepremiéra Antonio Tajani ë premiérka Giorgia Meloni.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [3-8.08]](https://cdn.cmc-gallery.pl/static/files/gallery/590/thumb__1884964_1756835684.webp)
Komentarze opinie