Reklama

HIMN ÒDESZŁËCH

Bëlôk - czôrno na biôlim

30/03/2026 17:29

Pòd òkã Jastrë - to pësznô pòwiesc fantasy aùtorswa Dariusza Majkòwsczégò. Rencenzjã ny ksążczi nalézeta na BIERSZTUBIE.
Jô zôs so ceszã, że miôl jem przëjemnosc napisac dwa tekstë do 'jastrowégò' aùdiobòka "Piesń ùmarłëch" a prezeńtowóny tuwò "Himn òdeszłëch". Niżi pòwrózk do nôgraniégò.

HIMN ÒDESZŁËCH
sł. Róman Drzéżdżón, mùz. Tomasz Perz, spiéw Michał Bronk

Wez mie, Jastro, do se
W bezpiekù prowadzë mie!
Ò Wastnô Widu!
Prowadzë mie w dôl
Ò Dôwającô Żëcé!
Wieczëstą redosc
na Twòjim klinie mie dôj

Reklama

Remiã do merka za słabé
Rozëm klôr mëslów nie dôwô
Rëba nie szmakô jak przódë
Rëszëc tej czas je do Cebie

Wez mie, Jastro, do se
W bezpiekù prowadzë mie!
Ò Wastnô Widu!
Prowadzë mie w dôl
Ò Dôwającô Żëcé!
Wieczëstą redosc
na Twòjim klinie mie dôj

Runa w òksëpie wërëtô
Rôd z Tobą pòtkac sã mògã
Rôczisz mie Jastro do sebie
Rëgnąc z Arkónë czas w drogã

Wez mie, Jastro, do se
W bezpiekù prowadzë mie!
Ò Wastnô Widu!
Prowadzë mie w dôl
Ò Dôwającô Żëcé!
Wieczëstą redosc
na Twòjim klinie mie dôj

Reklama

Rodny òstawic nót dodóm
Rozkòlib wałów pònôglô
Redosc wëpôłniô mie serce
Rozkòsz nalézã kòl Cebie

Wez mie, Jastro, do se
W bezpiekù prowadzë mie!
Ò Wastnô Widu!
Prowadzë mie w dôl
Ò Dôwającô Żëcé!
Wieczëstą redosc
na Twòjim klinie mie dôj

Pòslëchôj: HIMN ÒDESZŁËCH

Źródło i opracowanie własne