Chëcz kaszëbsczégò artistë bãdze ùprzëstãpnionô dlô gòscy w òbrëmim piąti edicje „Majewégò Wzmòcniwaniô”.
Wnuczczi Józefa Chełmowsczégò piąti rôz rôczą na „Majewé Wzmòcniwanié”. Òd pierszégò do czwiôrtégò maja w Brusach-Jaglach w skansenie w chëczë regionalnégò kùńsztméstra bãdze òrãdz zwiédzaniô w karnach całégò òbéńscô z prowadnikã za darmôka. Bãdze téż szło przińc samémù i òbezdrzec ògard artistë. Przë òrãdzu òdemkłi bãdze bùfet z kawą i kùchã, gdze przëjimóné mdą wòlné datczi na renowacjã jednégò z dokazów Chełmowsczégò – dwamétrowi plaskatorzezbë anioła tronu ze skrzidłama rozepłima na jeden métr szescdzesąt centimétrów. Na ten cél pùdą téż dëtczi za paczétë do plasticznégò stanowiszcza dlô dzecy, jaczé bãdze ùsadzoné na terenie skansenu. Projekt „Majewé Wzmòcniwanié” òrganizowóny przez Fùndacjã miona Józefa i Jadwidżi Chełmòwsczich dostôł dofinancowanié òd chònicczégò krézu.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie