Jak pòtemù òpòwiôdôł kajakôrz, béł gwës że zwierzã gò pòłkło. Ùszedł równak zdrów z jegò gãbë.
Na Internece to dało nagranié, na jaczim widzec atak wiôlgòrëba na kajakarza. Taczé ataczi są dosc rzôdczé. Dwadzescesztërëlatny Adrian Simancas, jaczi pò Zwãżënie Magellana jachôł czôłnama w grëpie z òjcã niedalek blizë San Isidori, òddalił sã òd òjca na kajakù, czej narôz spòd wòdë wëskòknął humbak, jaczi wcygnął kajakarza do gãbë, a pò czile sekùndach wëpùscył gò wòlno. Wal szczestlëwie nie zrenił kajakarza, czej gò brôł do gãbë – ùszedł z tegò pòtkaniô bez szkòdë. Nimò, że humbaczi mògą sëgac piãtnôsce métrów dłużawë i trzëdzescë szesc tón wôdżi, nie są w sztãdze pòłknąc ani lëdzy, ani kajaków, ani nawetka rib wiôlgòscë tuńczika. Mają taczé wąsczé gardło, że przeńdą jima przez nie blós môłé ribczi i jinszé mniészé mòrsczé zwierzãta. Wal wëplwôł czôłen, bò ni mógł gò pòłknąc.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie