W katastrofie bôta z migrantama zdżinãło 44 lëdzy – ùretało sã jedno dzéwczã, jaczé òpòwiedzało historiã swòjégò karna.
W nocë ze wtórkù na strzodã (10–11 gòdnika) nôleżnicë òrganizacje Compass Collective, jakô zajimô sã retowanim migrantów na Strzódzemnym Mòrzu, w òkòlim italsczégò òstrowù Lampedusa płënący do jinszégò zgłoszeniô ùczëła dochôdającé z mòrza wòłanié dzecka. Na pòkłôd retownégò bôta Trotamar III ùdało sã jima wëcygnąc 11 lat stôré dzéwczã, chtërno ùnôszało sã na wiéchrzu mòrza, òblokłé w retowny liwk i trzimającë sã kòłowégò szlaùcha.
Wedle tegò, co dzéwczã òpòwiedzało retarzóm, je òno òbëwatelką Sierra Leone. Razã z grëpą 44 jinëch migrantów płënãło na metalowim bôce, chtëren wëjachôł z òkòlégò gardu Safakis w Tunezje. Bôt miôł zatonąc pò tim, jak niedalek Lampedusë òb czas bùrzë zaczãłë w nich walëc dënëdżi wësoczé na 3,5 m. Do katastrofë doszło 3 dni przódë, a òkróm dzewùsa nicht jinszi sã nie ùretôł. Dzéwczã òstało zabróné do bòlëcë na Lampeduse.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie