Rząd wzéwô niegalnëch górników do òddaniô sã w rãce sprawiedlëwòscë.
We strzodã 13. smùtana lokalny dzejôrz gardu Stilfontein w Repùblice Pôłniowi Africzi, Thembile Botman, pòdôł do wiadë, że dzéń przódë spòlëzna gardu narzëszëła łączbã z grëpą kòl 4000 nielegalnëch górników w zamkłi kòpalnie Stilfontein. Karno słëchô do tpzw. „Zama zamas”, spòlëznë zesadzony czãsto z imigrantów z Lesotho i Zimbabwe szukającëch ôrtu zôróbkù na réskòwnëch pòdjimniãcach, prawie taczich jak włómiwanié sã do zamkłëch kòpalniów za drodżima metalama. Grëpie górników w kòpalnie Stilfontein felëje wòdë i jôdë, wiele je téż chòrëch – żëją tam midzë całama ùmarłëch. Przez czile dni pòmôgelë jima mieszkańcë gardu, le mòcny deszcz nie pòzwòliwô na weńscé do kòpalnie.
„Zama zamas” są òbkrążony przez pòlicjã, jakô wzéwô jich do wińscô spòd zemi i òddaniô sã w jich rãce – pòstawioné jima bãdą òbwinë nielegalny imigracje a téż nieprawnégò czerpaniô metalów. Wëszëznë w Johannesbùrgù zapòwiôdają, że przesprôwcowie ni mògą rechòwac na niżódną pòmòc òd rządu, a jich jedurnym retënkã je pòddanié sã szandaróm.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie