Reklama

Akcjô procëm mafie na Sycylie

Klëka

13/02/2025 10:47

Ze swiata, Akcjô procëm mafie Sycylie - zdjęcie, fotografia

Na italsczim òstrowie doszło do nôwikszi òd sztërdzescë lat pòspólny akcje karabiniérów i pòlicje.

We wtórk jednôstégò gromicznika italskô pòlicjô w wespółrobòce z karabiniérama przeprowadzëła wiôlgą akcjã procëm sycilijsczi mafie Cosa Nostra. Przez tësąc dwasta szandarów zatrzëmało sto òsmëdzesąt przesprôwców w stolëcë Sycylie Palermò i òkòlim. Strzód nich bëlë tak zwëczajny nôleżnicë mafie jak téż wiele ji môlowëch przédników, jak wëpùszczony z sôdzë dwa lata temù Tommaso Lo Presti. Zatrzimónëch bëło téż wiele młodëch lëdzy z môłëch gardów, dlô jaczich doparłãczenié do Cosa Nostra wëzdrzi za atrakcjową ùdbą na żëcé.
Wëszëznë zdecydowałë ò przërëchtowanim pòdpłacënków na mafiozów pò niedôwnëch wëdowiédzach, w jaczich służbë wëkrëłë, że przédnicë Cosa Nostra w sôdzach colemało chòwelë môłé mòbilczi, dzãka jaczim krëjamno czerowelë fòrmòwanim nowëch strukturów òrganizacje. Karabiniéróm ùdało sã pòdwanorzëc wiele telefònicznëch kôrbiónków midzë mafiozama, co dało jima wiadã ò tim, gdze szëkac za przesprôwcama. Wedle wëdowiédzë, sycylijskô mafiô dali je aktiw i mô ùdbóné òdbùdowã swòjégò wòjska.

H.S.Sz.